abr 11, 2012
eneko

Xabier Amurizarekin Elkarrizketan

Ostiral honetan, apirilak 13, arratsaldeko 18.30etan Xabier Amuriza bertsolaria izango da Añorgako Jolas Etxea Tabernako aretoan bertso-eskolei buruzko hitzaldia ematen. Sarrera doakoa izango da, eta nahi duen oro etorri ahal izango da bertara.

mar 26, 2012
eneko

Erakusketa berria Museum Cemento Rezolan

Datorren martxoaren 30ean, ostirala, emango zaio hasiera Museum Cemento Rezolak martxan jarri duen azken esposaketari. 3 hilabetez luzatuko da ARTIFEX, Iberiar penintsulan erromatar injenieritzari buruzko erakusketa ederra.

OIASSO museoa eta Cemento Rezola Museoaren arteko elkarlan honek erromatarren injeniaritza lanak ikusi eta ulertzeko aukera emango digu.

Uztailaren 1erarte beraz, izango da ikusgai esposaketa. Gozatu! 

mar 19, 2012
eneko

Obabako Testiguak – Bideo promozionala

Obabako Testiguak – Literatur Kluba from Añorga Kultura on Vimeo.

Hementxe uzten dizuet Literatur Kluba promozionatzeko egin dugun bideoa. Espero dugu gustoko izatea.

Zaindu, eta elkar ikusiko dugu martxoaren 22an arratsaldeko 19etan Jolas Etxean!

mar 16, 2012
eneko

Obabako Testiguak – Irakurle Taldea

Literatura gustoko duzu? Añorgan sortzen ari garen azken ekimena itzela izango da! Hilero liburu bat proposatuko dugu, eta hila bukatutakoan elkartu eta mahai ingurua egingo dugu kafe eta pasta goxoak jaten ditugun bitartean.

Baina zein da funtzionamendua?  Hiru hilabeteko zikloak izango dira: lehenean, literatura unibertsala landuko da; bigarrenean, ensaioa edo poesia; eta hirugarrenean, euskal literatura. Zikloa ixteko, hautatutako euskal idazlea etorriko zaigu mahai ingurura. Hautatutako liburua ez baduzu, guk mailegatuko dizugu.

Ondo hasteko, literatura unibertsaleko “Metamorfosia” hautatu dugu. Beraz, martxoaren 22an, osteguna, arratsaldeko 19etan zita berezia duzu Añorgako Jolas Etxea Tabernan.

 

mar 12, 2012
eneko

Hitzaldia Museoan

 

Añorgako Greba Komiteak antolatuta, Museum Cemento Rezolan izango da hitzaldia. Jorratuko dituen gaiak hauexek dira:

  • Mundu mailako krisi kapitalista.
  • Lan erreforma.
  • Rezolako lan gatazka.

Hitzordua martxoaren 15ean dago jarrita, arratsaldeko 19etan Museum Cemento Rezolan.

mar 7, 2012
eneko

Ostiral Morea

Emakumearen eguna iristear da, eta Añorgako Gazte Asanbladak bi jardunaldi eder antolatu ditu behar bezala ospatzeko. Kartelean ikus dezakezuenez, lehenik, martxoaren 8an, ostegunean, arratsaldeko 19etan Orlando pelikula proiektatuko dute Museum Cemento Rezolan. Martxoaren 9an, ostirala, autodefentsa tailer irekia egingo dute Antxon Ayestaran Kultur Etxean arratsaldeko 17etatik aurrera. 19etan debatea proposatu digute eta ospakizuna ondo amaitzeko, 21etan Jolas Etxean afaltzeko aukera izango dugu 14 €ren truke.

Beraz, proposamen polita hain egun garrantzitsua ospatzeko. Zure bixita espero dugu!

feb 29, 2012
eneko

Haizea eta Sustraia dokumentala añorgan

Hilabetero bezala, Argiak eskaintzen digun aukera ezin hobeaz baliatuz, bihar, martxoaren 1a osteguna, Museum Cemento Rezolan eskainiko dugu 19etatik aurrera Haizea eta Sustraia dokumentala. Dakizuen moduan, sarrera doan da eta dokumentala euskaraz izango da.

Sinopsia: “Txiki”-ren bizitzaren bidez frankismoaren azken fusilamenduetan sartuko gara. Bere bizitza, bere historia, bere lagunak eta bere askatasunaren ametsak. Batzuk, argia eta oroimena heltzen ez diren hobi komunean ahanstura lurperatzen duten bitartean, bere senide, lankide eta frankismoaren kontrako militantziak, haien oroitzapenak eta diktadura garaiaren bukaerari buruz hitz egiten digute.

Oraindik ezabatu ez diren testigantzak dira. Bizirik dagoen historia da, gure berezko historiaren partea da.

Zuzendaria: Joseba Iñaki Agirre Errazkin

Iraupena: 90 min

feb 24, 2012
eneko

Hiriko laborantza hitzaldia

Datorren martxoaren 1ean, osteguna, arratsaldeko 19etan eta Cristina Enea fundazioak antolatuta, Hiri Laborantzaren inguruko hitzaldia emango dute Udaletxeko Udalbatza aretoan. Hizlaria Iñigo Segurola izango da.

Haurrekin agertzen den edonorentzat haurtzaindegi zerbitzua eskainiko dute, beraz, ez dago aitzakiarik!

feb 23, 2012
eneko

Martxoko Festen Bilera

Datorren martxoaren 3an, larunbata, eguerdiko 12:30etan Añorga KKEko bulegoan izango den Festetako Bilerara gonbitea luzatzen dizuegu.

Beste gauza batzuen artean, Orikiz mozorro festari buruz hitz egingo dugu, eta Portuko Karmenetako jai batzordeko kide bat izango da bertan proposamen polit bat egiteko. Honetaz gain, programazioa borobiltzen hasiko gara.

Festak ez direlako bakarrik antolatzen, agertu!

Mila esker!

feb 13, 2012
eneko

Mural eder bat

Lehenik eta behin, barkatu gazteleraz dagoelako bideoa, baina benetan iruditzen zaigu probetxuzkoa dela.

IMVG taldeak egina da eta gizon eta emakumeen arteko berdintasunaz hitz egiten du. Hau dena mural baten aitzakiaz egiten dute. Gai izango ginateke Añorgan horrelako bat egiteko? Jendeak hartuko luke parte?

Ikusi eta gozatu, benetan merezi duten horietako bideoa baita!

Páginas:«1234567»

imagen

Foroko azken sarrerak

    Non Gaude?

    Galdeketa

    Gustoko al duzue Akultura.com blog-a?

    View Results

    Loading ... Loading ...