Browsing articles in "Informazioa"
nov 2, 2012
eneko

Esazu 3. Añorga aldatzen.

Askotan nahi izaten dugu gure auzoak aldaketak izan ditzan. Horretarako udalaz gara kexu maiz. Gaurkoan, jakingo ez duzuen proiektu interesgarri baten berri emango dizuegu: Esazu 3. Proiektuari buruzko informazio guztia www.esazu.org orrian izango duzue.

Añorga berritu nahi digute, beraz, parte hartu!!

oct 17, 2012
Bgaztelumendi

Txantxangorriren hitzordua larunbatean

Bete-betean ari dira hegan “Txantxangorri” aisialdi taldeko lagunak. Larunbat honetarako mendi-martxa antolatu dute Añorgako baserri eta txokoetan zehar, auzoko haurrek baserriko bizitza eta euskal mitologia ezagutu ditzaten. Tartean euskal mitologiako pertsonaien eta astoren baten bisita ere izango omen da! Hitzordua larunbat arratsaldeko 16etan izango da Añorgako Zinearen parean, eta trikiti doinuek girotuta egingo dute mendi-martxa. Gurasoak ere gonbidatuta daude.

“Txantxangorri” Añorgako Gazte Asanbladak sortutako taldea da, aisialdia auzoan bertan betetzeko helburua duena. Horrez gain euskara sustatzen eta zenbait baloreren lanketan ere aritzen dira, ingurumenarekiko errespetu eta maitasuna edo parte-hartzea esaterako. Hilean behin antolatzen dituzte ekimenak.

Beraien lanaren berri zabaltzeko bloga ere ireki berri dute ziberespazioan, inork bisitarik egin nahi badie.

oct 15, 2012
Bgaztelumendi

Koblakari baten bisita

Auto-gidariak presaka dabiltzan ostegun arratsalde horietako batean gizon altu bat sartu zen Añorgako Jolas-Etxeko egurrezko atetik, burua apur bat makurtuz, lotsatuta-edo. Porlan pinportak autoen kristaletan itsatsita geratzen diren arratsalde horietako bat zen, nobela handietan gutxitan agertuko den arratsalde arrunt bat, garagardoa bukatu ondoren edalontzietan itsatsita geratzen den hondar likitsaren moduko arratsalde horietako bat. Sei lagun sartu ginen tabernako jantoki txikira, porlan grisaren koloreko liburuki bana eskuetan hartuta. Autoen bozina presatien artetik lotsati antzean aditzen genuen Ruper Ordorika kantuan, “larre berdeak, etxe zuri, teila gorriak…”. Eneko Barberenak -halaxe izena baitu atetik burua makurtuz sartu zen gazteak- zertarako idazten duen galdetu zion bere buruari, hitzak ahoan txikleen moduan hausnartuz (“inork ere ez du -dena ohitura, dena errua, dena barkamena- oroimenaren korapiloa deslotzen). Zertarako? Eta Josu “Eskorbuto”-ren mikrofono estutua gogoan idazleak kronista lana ere bete behar duela esan digu, Martin Larralderen moduan. Josu “Eskorbuto”-ren moduan. Idazlearen luma zorrotzak paperean gorde behar dituela lixibak kaleetatik lapurtutako barrikaden usainak, tabernetako pertsiana itxiek ezkutatutako eztabaida amaiezinak. 2000. hamarkadako Donostia eta 60ko hamarkadako Belfast. Edo autoak presaka dabiltzan ostegun arratsalde bat, sirena bat eta buzodun urdinak Jolas Etxeko atea zeharkatzen, bururik makurtu gabe. Munduak oraindik behar al du koblakaririk?

AZAROAREN 22AN ELKARTUKO GARA BERRIRO

Eta Eneko Barberenaren bisitaren ondoren, Euskal Herritik kanpoko idazleen txanda iritsiko zaigu gure Obaba klandestinora. Samuel Beckett idazle irlandarraren “Godoten esperoan” antzerki obra ezaguna landuko dugu. Absurduaren komediaren gailurretako bat da lan hori, eta azaroaren 22an elkartuko gara, hilero bezala, arratsaldeko 19etatik aurrera. Nahi izanez gero datorren astetik aurrera Donostiako Liburutegi Zerbitzuak utzitako aleak eskuragarri izango dituzue klubeko bulegoan.

 

oct 3, 2012
Bgaztelumendi

Ostiralean hasiko da bertso-eskola

 

Udan plazaz plaza ibili diren bertsolarien inbiditan? Haiekin aspertuta akaso? Pello Joxepe ezagutzeko desiotan? Zure ahotsa zortziko handiaren autopista zabalean edo zortziko txikiaren “seiszientos” txikian sartzeko gogoz? Ostiralero astea ahazteko (edo nahasteko) irrikan? Hormei ere kantatuko lieketen artistak ezagutzeko pasioz? Lagun giro ederraren besotan bertsotan egin nahi? Bada zatoz ostiral honetan, arratsaldeko 17:30etan Jolas Etxera, Añorgako Bertso Eskolaren hirugarren kurtsoa hastera baitoa.

sep 17, 2012
Bgaztelumendi

Obabako Testiguen itzulera

Udazkeneko orriak erortzearekin batera zabalduko ditugu berri usaineko liburuak Obabako Testiguek. Eta kurtso berriari hasiera emateko luxuzko gonbidatua izango dugu gurean: Eneko Barberena idazle arrasatearra. Gure “petit komité”-an bere azkeneko lana izango dugu aztergai: “Martin Larralde” (hemen klik eginda deskarga daiteke).  Ale berezia da honako hau, literatura eta musika uztartzen dituen disko-liburu hibridoa baita. Pasta gozoen eta zapore guztietako komentarioen bidez liburuaz, literaturaz eta bizitzaz hitz egiteko aukera izango dugu. URRIAREN 11n izango da hitzordua, ILUNTZEKO 19etan, ohi bezala Jolas Etxean.

Bestalde, datozen hilabeteetarako programa ere atontzen ari gara, ohi bezala literaturaren ate guztiak jotzeko asmoz. Honako hauek dira oraingoz esku artean dauzkagun proposamenak, denon artean aukera ditzagun:

-AZAROA (Aukeratzeko):

“ESPERANDO A GODOT” (Samuel Becket), antzerki obra labur bat da, absurdua. Urriaren 11n banatuko ditugu liburuak.

 

-ABENDUA (Aukeratzeko):

a) “HARRI ETA HERRI” (Gabriel Aresti), “Nire aitaren etxea defendatuko dut…” eta abar

b) “KARTZELAKO POEMAK” (Joseba Sarrionandia)

 

-URTARRILA

“ZERGATIK PANPOX” (Arantza Urretabizkaia). Honekin feminismoaren inguruko zikloa irekiko genuke

 

-OTSAILA (Aukeratzeko):

a) “ORLANDO” (Virginia Wolf), transexualitatearen ingurukoa da

b) “LA SEÑORA DALLOWAY” (Virginia Wolf), “Las horas” filma honetan oinarritzen da

 

-MARTXOA (Aukeratzeko):

“SEXUAL HERRIA” (Itziar Ziga), obra probokatzailea da, ikusi sinopsia: http://www.txalaparta.com/prod/eu_ES//////12//2707/Sexual+Herria.html

 

Datozen hilabeteetarako beste hainbat proposamen ere badaude:

 

NOBELA/NARRAZIOA EUSKARAZ:

a)     “TWIST” (Harkaitz Cano)

b)    “EGARRI EGUNAK PORTUALDEAN” (Koldo Izagirre)

c)     “EZ OBEDITU INORI” (Mikel Peruarena)

d)    “AZKEN TRANBIAREN ITZALA” (Jose Inazio Basterretxea)

e)     “POLOLOAK (I, II ETA III)” (Patxi Gallego), hiru komiki dira

f)     “GARTXOT” (Asisko Urmeneta), komikia da

g)    “AULKI JOKOA” (Uxue Alberdi)

 

POESIA/SAIAKERA

a)     “ETIOPIA” (Bernardo Atxaga)

b)    “LIBRETA HORIKO POEMAK” (Pako Aristi)

c)     “ZU ZARA ORAIN TXORIA” (Mikel Etxaburu)

d)    “HIRI GORRITIK” (Asier Serrano)

e)     “EUSKAL KULTURA?” (Antton Luku)

f)     “UN DÍA MÁS CON VIDA” (Ryszard Kapuscinski)

g)     “LAS VENAS ABIERTAS DE AMÉRICA LATINA” (Eduardo Galeano)

 

Badakizu: idatzi zure iradokizunak hemen. Nork esan zuen irakurketak bakartia izan behar zuenik?

jul 10, 2012
eneko

Añorgako Festak 2012

Aurtengo Festak potente datoz, eta kartelean ikusi dezakezuen moduan, musika aldetik ondorengo plan ezin hobea proposatzen dizuegu:

Añorgako Festak 2012
uztailak 13, 14, 15, 16
uztailak 19, 20, 21, 22
 
uztailak 14 larunbata
19:00    Debako Elektrotxaranga Añorgan zehar
00:00   Hiru gabe bi. Erromeria frontoian
 
uztailak 19 osteguna
19:00    Zementonen jeitsiera + Herri kantujira frontoian
 
uztailak 20 ostirala
23:00    NPJ
                 Kaleko Urdangak  
                 Erasoka 
                 Naken DJa 
 
23:00    Egan 
 
uztailak 21 larunbata
23:00    Bertsioen kontzertua Añorgatarrekin
 
00:30    Gozategi
                 Willis Drummond
 
uztailak 22 igandea
23:30    Bertso Saio Musikatua:
                    Uxue Alberdi
                    Mantxi
                    Xamoa
                    Gurru
jul 7, 2012
eneko

Festen hasiera: Pelota partidua

Ikusgarria izango da!! Festak ondo hasteko bi pelota partidu proposatzen dizkizuegu:

4 t’erdian lehena, Insausti Jauregiren aurka neurtuko da. Biek eman dute maila handia aurtengo denboraldian eta partida polita izango da.

Eta bigarren partidan binaka arituko dira Mikel Goñi handia Nublaz lagunduta,  Urmeneta añorgatarra eta Eulateren aurka. Partida ikusgarria izango da, Txikik komentarista lana egingo duelarik.

6€ren truke salduko da sarrera, beraz, animatu eta gozatu!!

jul 7, 2012
eneko

Añorga vs Alde Zarra DESAFIYUBA!!!

Añorga vs Alde Zaharra Desapiyuba! from Añorga kultura on Vimeo.

Añorgako Festak datoz, eta baita Alde Zaharreko Karmenak ere. Aurten Adiskidetasun lehia egitea erabaki dugu. Hemen gure bideo promozionala. Gozatu eta parte hartu!!!

jun 12, 2012
eneko

Depositora Erromeria

Igande honetan, hilaren 17an Errekaldeko Depositora egiten zen erromeria berreskuratu dute Añorgako Gazte Asanbladako kideek.

Eraman beharrekoak: norberak bere bazkaria, eta ondo pasatzeko gogoa. Edaria Añorga KKEk jarriko du.

Ondo pasa!

jun 3, 2012
eneko

DOKAren ekaineko programazioa

Hauek dira DOKAko lagunek ekainean zehar antolatu dituzten ekimenak. Gustoko izango duzuelakoan.

Páginas:«123456»

imagen

Foroko azken sarrerak

    Non Gaude?

    Galdeketa

    Gustoko al duzue Akultura.com blog-a?

    View Results

    Loading ... Loading ...